သွေးတိုးရောဂါကုသခြင်း (သွေးပေါင်ချိန်ပုံမှန်ထက်မြင့်တက်‌‌ နေခြင်း)

သွေးတိုးရောဂါဆိုသည်မှာ သွေးပေါင်ချိန် (အပေါ်သွေးပေါင်ချိန်) ၁၄၀ mmHg (သို့) ထို့ထက်များပြီး သွေးပေါင်ချိန် (အောက်သွေးပေါင်ချိန်) ၉၀ mmHg (သို့) ထို့ထက်များခြင်း တစ်ကြိမ်ထက်မက ဖြစ်နေသော အခြေအနေကို ဆိုလိုသည်။ လူများစွာ (အထူးသဖြင့် အသက် ၄၀ ကျော်သူ ၃ ယောက်တွင် ၁ ယောက်ထက်ပိုသည်) သည် သွေးတိုးရောဂါ ရှိနေသော်လည်း တစ်ဝက်ကျော်မှာ မိမိတွင် ထိုရောဂါ ရှိနေသည်ကိုပင် သတိမထားမိကြပါ 

သွေးတိုးရောဂါကို မှန်မှန်ကန်ကန် ကုသဖို့ ဘာကြောင့် လိုအပ်တာလဲ။

သွေးတိုးရောဂါသည် ‘အသံတိတ်‌ ရောဂါ’ တစ်ခုဖြစ်ပြီး၊ဆရာဝန်သို့မဟုတ်ဆေးဝါးကျွမ်းကျင်သူထံသွားရောက်သည့်အခါတိုင်းသင့်သွေးပေါင်ချိန်ကို ပုံမှန်တိုင်းတာသင့်ပါသည်။ ကုသမှုမခံယူဘဲ ထားသောသို့မဟုတ်မထိရောက်စွာထိန်းချုပ်ထားသောသွေးတိုးရောဂါသည်အောက်ပါကျန်းမာရေးပြဿနာများကိုဖြစ်စေနိုင်ပြီး၊အချိန်မတိုင်မီသေဆုံး ခြင်းအထိ ဖြစ်နိုင်ပါသည်။;

• နှလုံးသွေးကြောပိတ်ခြင်း(ဒါ့အပြင် နှလုံးအမောဖောက်ခြင်း)
• ‌လေဖြတ်ခြင်း
• ကျောက်ကပ် ပျက်စီးခြင်း(ဒါ့အပြင် ကျောက်ကပ်အလုပ်မလုပ်တော့ခြင်း)

သွေးတိုးရောဂါကုသခြင်း

1.နေထိုင်မှုပုံစံ ပြောင်းလဲခြင်း

လူနေမှုပုံစံပြောင်းလဲခြင်းသည် သင်၏သွေးပေါင်ချိန်ကို ၄-၅ mmHg အထိ လျှော့ချနိုင်ပြီး လေဖြတ်နိုင်ခြေ ၁၅% နှင့် နှလုံး‌‌ သွေးကြောပိတ်ရနိုင်ခြေ ၆% အထိ လျှော့ချနိုင်သည်။ အောက်ပါနည်းလမ်းများဖြင့် သင့်ကိုယ်သင် ပိုမိုကျန်းမာသောလူနေမှုပုံစံကို ကျင့်သုံးရန် ကူညီနိုင်သည်။;

• ပိုမိုကျန်းမာသော အစားအစာများကို ရွေးချယ်ပြီး ဆားကို လျှော့စားပါ။
• သင်၏အသက်နှင့်ကိုယ်လက်လှုပ်ရှားနိုင်စွမ်းပေါ်မူတည်၍ တစ်ပတ်လျှင် အနည်းဆုံး ၇၅ မိနစ်မှ ၁၅၀ မိနစ်အထိ လေ့ကျင့်ခန်းလုပ်ရန် ရည်ရွယ်ပါ။
• သင့်အရပ်အမောင်းနှင့် အသက်အရွယ်အတွက် သင့်လျော်သော ကျန်းမာသည့် BMI အတိုင်းအတာသို့ သင့်ကိုယ်အလေးချိန်ကို လျှော့ချပါ။
• စိတ်နှင့် ကိုယ်ကာယ ဖိစီးမှုများကိုလျော့ချပါ။
• လုံလောက်ကောင်းမွန်တဲ့အိပ်ချိန်ကို ရှိပါစေ။
• ဆေးလိပ်သောက်ပါက ဆေးလိပ်ဖြတ်ပါ။

2. ဆရာဝန်နှင့်တိုင်ပင်၍ ဆေးကုသမှုခံယူပါ

နေထိာင်မှုပုံစံပြောင်းလဲခြင်းဖြင့် သင်၏သွေးပေါင်ချိန်ကို မလျှော့ချနိုင်ပါက သို့မဟုတ် သင့်သွေးပေါင်ချိန်သည် အမြဲတမ်းမြင့်မားပြီး အန္တရာယ်ရှိသောအဆင့်တွင် ရှိနေပါက၊ သင့်ဆရာဝန်သည် သင့်အား ဆေးဝါးစတင်သောက်ရန် လိုအပ်နိုင်ပါသည်။

သွေးပေါင်ချိန် ပုံမှန်စစ်ဆေးခြင်း

သွေးတိုးရောဂါအတွက် ကုသမှုခံယူနေစဉ်အတွင်း၊ မိမိကိုယ်တိုင်သွေးဖိအားတိုင်းတာသည့်ကိရိယာဖြင့် အိမ်တွင်သွေးဖိအားတိုင်းတာရန်အကြံပြုလိုပါသည်။၎င်းသည်ရိုးရှင်းပြီး၊စျေးသက်သာကာကျန်းမာနေစေရန်ကူညီပေးပါသည်။သင့်သွေးဖိအားတိုင်းတာမှုရလဒ်များအပေါ်မူတည်၍လုပ်ဆောင်ရန်လမ်းညွှန်ချက်အချို့မှာ အောက်ပါအတိုင်းဖြစ်သည်;

အပေါ်သွေးပါင်ချိန် (mmHg)	အောက်သွေးပေါင်ချိ န် (mmHg)	လိုက်နာရန်
၁၂၀ အောက်	၈၀ အောက်	သွေးပေါင်ချိန်ကို ဆေးဝါးကျမ်းကျင် သို့ ဆရာဝန် နှင့် ၁နှစ် ၂ ခါ စစ်ဆေးပါ
၁၂၁ မှ ၁၃၉	၈၁ မှ ၈၉	ဂရုတစိုက် စောင့်ကြည့်ပြီး ကျန်းမာရေးနဲ့ညီညွတ်တဲ့ နေထိုင်မှုပုံစံတွေကို ပြောင်းလဲပါ။ ဆေးဆိုင်မှ ဆေးဝါးကျွမ်းကျင် ဒါမှမဟုတ် သင့်ဆရာဝန်နဲ့ ၂-၃ လတစ်ကြိမ် သွေးပေါင်ချိန်ကို စစ်ဆေးပါ
၁၄၀ အထက်	၉၀ အထက်	သင်ဟာ ဆေးဝါးတွေ ထပ်ထည့်ဖို့ ဒါမှမဟုတ် ပြောင်းလဲဖို့ လိုအပ်နိုင်တဲ့အတွက် အမြန်ဆုံး ဆရာဝန်နဲ့ သွားရောက်ပြသပြီး စစ်ဆေးမှု ခံယူပါ။

သင်၏ ကျန်းမာရေးကို စောင့်ကြည့်ရန် ဆေးဆိုင်က ဆရာဝန် ဒါမှမဟုတ် သင့်ဆရာဝန်နဲ့ သွေးပေါင်ချိန်နှင့် သွေးစစ်ဆေးမှုများကို ပုံမှန်စစ်ဆေးရန် သတိရပါ။

ရှင်းလင်းချက်။ TELEME ဘလော့ဂ်ပို့စ်များတွင် ကျန်းမာရေးအခြေအနေများနှင့် ကုသမှုများအကြောင်း အထွေထွေအချက်အလက်များ ပါဝင်ပါသည်။ ၎င်းသည် ကျွမ်းကျင်သော ဆေးဘက်ဆိုင်ရာ အကြံဉာဏ်၊ ရောဂါရှာဖွေခြင်း သို့မဟုတ် ကုသခြင်းအတွက် အစားထိုးရန် ရည်ရွယ်ခြင်းမဟုတ်ပါ။ အဆိုပါအချက်အလက်များသည် အကြံဉာဏ်မဟုတ်သည့်အပြင် ထိုကဲ့သို့ မှတ်ယူခြင်းလည်း မပြုသင့်ပါ။ သင်သည် မည်သည့်ဆေးဘက်ဆိုင်ရာ အခြေအနေမျိုးကိုမဆို ခံစားနေရသည်ဟု ထင်ပါက သင့်ဆရာဝန် သို့မဟုတ် အခြားကျွမ်းကျင်သော ကျန်းမာရေးစောင့်ရှောက်မှုပေးသူများထံမှ ချက်ချင်း ဆေးကုသမှု ခံယူသင့်ပါသည်။ ဤဝက်ဘ်ဆိုက်ရှိ အချက်အလက်များကြောင့် ဆေးဘက်ဆိုင်ရာ အကြံဉာဏ်ရယူရန် နောက်မဆုတ်သင့်ပါ၊ ဆေးဘက်ဆိုင်ရာ အကြံဉာဏ်ကို လျစ်လျူမရှုသင့်ပါ သို့မဟုတ် ဆေးကုသမှုကို ရပ်ဆိုင်းခြင်း မပြုသင့်ပါ။